الاثنين، 3 فبراير 2014

مفضلاتي


مساء الخير...

جالسة أحضر لبوست جديد ان شاء الله...بس حبيت قبل ما أنزلو أكتبلكم عن الأشياء اللي حبيتها بالشتوية...



صورة جماعية للحلوين هههههههه

 
من أكثر الأشياء اللي حبيتها فرشاية أورال بي...وكتبت عنها في الانستغرام
 
 
كبسولة أي فيت...كبسولة فايتامين أي...خفيفة ع البشرة مرا...و أكيد تعرفوا فوائد فايتامين أي للبشرة....يحسن مظهر البشرة ويأخر ظهور التجاعيد ويعطي بشرتكي مظهر أصغر من عمرها...كويس لتفاوت اللون...ومرا ممتاز للرقبة...وتقدري تستخدميه لليد و الأظافر..لها استخدامين اما بالبلع أو انك تفتحي الكبسولة وتدهني فيها البشرة....أنا أستخدمتها ع البشرة..جدا ممتازة...موجودة في الصيدلية وسعرها 36 ريال
 
 
أنا من عشاق باث آند بودي ووركس وكل شتوية لازم تعلق معايا مجموعة معينة...دي المرة استخدمت مجموعة تويلايت وودز...عموما مجموعات باث آند بودي مميزة وحلوة أهم شي انو ترطيبها كويس والشاور جل مايجفف البشرة ولا يحسسها ولا يسمرها زي بودي شوب...اللي ع اليسار الصغير كريم لليد للشنطة دايما دايما معايا...


فازلييييين الأطفال...مرا جات أختي وأشم مع بناتها ريحة تجنن ريحة أطفال ونظافة...سألتها قالتلي انو دا الجميييل...طبعا ماتتخيلوا حجم العلبة قد ايه مرا مرا كبييييرة...وترطيبو يختلف عن الفازلين العادي...المهم اني اشتريتو وصرت أستخدمو لجولي وليا...حتى للشفايف مرا حلو...و أتوقع اني حستمر باستخدامو لجولي حتى في الصيف ان شاء الله ع الأقل بعد كل شاور



مرطب ايفين...مرطب معالج للشفايف...لونو شفاف...يعني مايعطيكي لون ع الشفايف...هو معالج يعني اذا عندك تشقق أو جفاف يعالجو ويرمم الشفايف...اشتريتو بس عشان أبغى أجربو بالذات انو طبي..حلو وممتاز في الترطيب... بس أنا أحب لابيلو...
اذا كنتي تعاني من التشققات القوية ممكن تستخدميه وبعد ماتتعالج شفايفكي ترجعي للمرطب العادي...
موجود في الصيدليات وسعرو 45 ريال.

 
أرواج كيت من ريميل...من أجمل و أروع الأرواج اللي جربتها...اشتريت أربعة درجات...وناوية أشتري كم درجة صيفية ع الصيف باذن الله...
ماسكارا مايبيلين...اشترتها في البداية أختي...بنفس الاسبوع قلدناها كلنا هههههههه
من جد رووووووعة...تطول الرموش بطريقة أوفر...أنا الحمدلله رموشي طويلة وكثيفة ماشاء الله...لكن لما استخدمت دي الماسكارا لاحظت طول وااااااضح
 
 
غسول سيتافيل...من أروع الغسولات...تقدري تستخدميه بدون أي قيود...للوجه والجسم وللسينسيتف ايريا حتى للأطفال...أستخدمو مع مجموعة الجلايكوليكس...لأنو يهدي ويزيل الاحمرار
شامبو ايونيل تي...كتبت ريفيو عنو في المدونة...أتعب أقول راااااائع...كل مرا أجربو أقول كيف كنت عايشة بدونو...بعد ماكتبت عنو...كلمتني صاحبتي وهي شعرها دهني مرررااا...تقوللي أنا اللي أبغى أشكركي عليه...بعد ماكنت لازم أغسل شعري كل يوم...صرت أخليه 3 أيام وهو مااتغير أبدا ولا دهن

 
كريم هيمالايا بنواة القمح وزيت اللوز وفايتامين اي...كتبت عن هيمالايا قبل...بس دا النوع المركز جديد
 
 
نيل بوليش ريموفر...مزيل مناكير سيفورا...أسهل و أروع مزيل مناكير...والمفضل عندي من سنتين ما جربت غيرو...في تجارب للبنات ذكروا انو مزيل بورجوا نفسو و أعطاهم نفس النتيجة...بس أنا ماجربت تبع بورجوا...
اللي جنبو مناكير سالي هانسن...لونو غريب وفيه لمعة حلوة صغيييرة بيقمنتد ...
 
 
دا سواتش للمناكير
 
 
ستيك بلاشر من نيكس...لونو مرا مرا حلووو وهادي وطبيعي...مشمشي وفيه هايلايت بسييييط
 
 
هنا اللون أوضح
 
 
 
أرحب بتعليقاتكم واستفساراتكم...
 
instagram: sosanita90
 

هناك تعليق واحد:

  1. مرحبا اختي
    بس حبيت اسألك كيف بتستخدمي كبسولات فيتامين اي؟
    يعني بعد ماتفتحيها وتحطيها ع وجهك تنظري لحد ماتجف وقد ايه تنتظري عليها وهيك
    وجزيتي الفردوس

    ردحذف