في شهر 11 عربي عرفت عن موقع قولدن سنت...و أول شي جاء ببالي اني ليه أطلب منو؟ ما راح أحتاجو...و لا خطر ببالي اني أجربو
دا الكلام ألين ما شوفت دا التعليق من متابعة جميلة
كتبت : أنا أعرف انو في منتجات حلوة و أقرأ عنها و أتحمس لها...بس مضطرة أشتري من بودي شوب لأنو المنطقة اللي أنا فيها ما عندنا محل غيرو.
فكرت أكتب عن دا الموقع...فكرتو رااائعة و جديدة و عملية...خاصة انو التعامل معاه مرا سهل من ناحية سهولة الطلب و الدفع و التوصيل
بس وقتها فكرت انو الحمدلله ثقة متابعاتي كبيرة فيا و خوفت أكتب عنو بدون ما أجربو و أخسر ثقتهم و حرام أورطهم فيه
والله اني أعتبر كل وحدة فيكم أخت ليا
المهم...كلمت الموظفة و سألتها عن المنتجات و أكدتلي انها أصلية يعني نفس اللي موجودة في فيسيز و دبنهامز ....الخ
و الصراحة كانت قمة في التعامل
أول شي حتكلم عنو طريقة الطلب...و مميزات الموقع
دا الموقع
تقدروا تشوفوا المنتجات الموجودة بأسعارها بالريال السعودي
و تقدري تطلبي منو مباشرة...أو عن طريق الواتس أب و أحس دي الطريقة هي الأسهل خاصة للبنات اللي ما جربوا الطلب أون لاين
دا رقم الواتس أب
0539089009
والدفع تقدري تدفعي وقت استلام الطلب...لأنهم يوصلوا للبيت و التوصيل خلال يومين
و اذا كان طلبك أكثر من 300 ريال يوصلوا مجانا
في قسم في الموقع خاص بالتخفيضات...شوفوه مرا حلوو...في عطورات تخفيضها يوصل ل 100 ريال
الشي اللي كنت أبغاه و مالقيتو هو المناكير ههههههههههه... أتمنى يوفروها لأنو في كم لون أبغاهم من سان لوران و مقطوعين
طبعا مع كل طلبية توصلك هدية و عينات
دا كل شي تقريبا عن الموقع...نجي لتجربتي
دا البوكس...شكلو حلو و مرتب
طريقة الفتح لوووووووول...ترا أنا مهمة بالنسبة ليا لأني أعاني مع فتح الكراتين هههههههههه
و فتحنا البوكس...شكلو كدا و طريقة التغليف و لون الورق فتح نفسي..و وقتها جاء ببالي انو ينفع تطلبي منو هدية و يوصلوها للي تبغي تهديها...و ماتشيلي هم التفاصيل باذن الله
في البوكس قسيمة تخفيض 25 ريال اذا كنتي حابة تطلبي مرا ثانية
دا كان طلبي...عطر لافي أي بيل من لانكوم...قيد كتبت قبل انو من أروع عطورات لانكوم...دا العطر أعرفو زي اسمي...يعني كنت حقدر أعرف بسهولة اذا هو أصلي أو تقليد و أقدر أحكم ع الثبات...و الحمد لله طلع أصلي...و اتطمنت عشان لو حبيت أرسل هدية أو أطلب مرة ثانية
العطر الحجم الصغير 50 مل وسعرو 430 ريال
لوشن غوتشي وصلني هدية هو و العينات...اتعلموا الكرم يا فيسز و دبنهامز هههههههههه
بالنسبة للأسعار...أنا شيكت ع الأشياء اللي أعرف سعرها لقيت انها نفس السعر مع زيادة خمسة ريال و أوقات أرخص بخمسة ريال
زي أرواج شانيل اشتريت روج قبل فترة بسيطة ب 180 ريال و في الموقع لقيتو ب 175 ريال
و بس دي كانت تجربتي مع قولدن سِنت
هل راح أكرر الطلب مرة ثانية؟
بعد ما اتأكدت انو أصلي راح أجربو في حال كنت أبغى أرسل هدية
أو اذا في منتج مالقيتو في المحلات اللي عندنا
أو اذا في منتج لقيتو عندهم أرخص شي طبيعي راح أطلبو
و حشيك ع قسم التخفيضات في حال خفضوا ع شي أنا أحتاجو
أتمنى اني قدمت لكم شي ممكن يفيدكم
يعطيكي العافية ..شرح كافي وواضح❤
ردحذفجزيتي خيراً🌺
ردحذفVery interesting
ردحذفيعطيكي العافيه كفيتي ووفيتي
ردحذفاعجبني اكثر شيء انوه اقدر اهدي احد عن طريق الموقع
يحتاج فيزا؟ 🌝🌹
ردحذفبالنسبة للي يشتري من قولدن سنت موقع فاشل و نصب حتى الاستبدال يرسلون لك غير الي تطلبة و يطفشونك و لا يستجيبون لك ومن موظف في موظف و لا احد يعطيك وجة يعكس التعامل معاهم اذا جيت تشتري اول مرة . فنصيحتي الابتعاد عنة و كفانا الله و اياكم شر النصابين و المحتالين
ردحذفGoldenscent Coupon Code
ردحذفعروض وعروض رائعة توفرها لك الكثير من
العروض التي استخدمتها في ماركات الأزياء الإماراتية
أزال المؤلف هذا التعليق.
ردحذفهذا موقع مدهش للتسوق عبر الإنترنت لذا أريد المزيد tajawal coupon Codes لشراء العطور على الانترنت
ردحذفشكرا
ردحذفالان نعمل على توفير العديد من العروض عند تالشراء من قولدن سنت للعطور باقل الاسعهار مع خصومات عند الشراء عبر الانترنت كما تحصل على كوبونات كود خصم نسناس بالاضافة الى اقوى العروض على العديد من المنتجات الراقية التى تحصل عليها بواسطة كود خصم نون زور موقعنا للمزيد
ردحذف