لوني حياتك...

صباح الخير...

وصلنا للجزء الأخير من معرفتنا للأندرتون الخاص ببشرتنا

دا الجزء يخص الملابس وقطع الاكسسوار...اذا قدرتي تحددي الأندرتون...حيكون اختيار الألوان والاكسسوار والملابس مرا ممتع...وسهل...البسي كل الألوان بكل ثقة...واتحرري من كلمة ( دا اللون مايناسبني) ...

مافي لون مايناسبنا...لكن في درجة ما تناسبنا

البوست كلو حيكون عن درجتين أندرتون...الباردة والدافئة...ودا التقسيم اللي يعتمدوه الستايلست والمصممين عموما

والبشرة المحايدة تتعامل معاملة البشرة الدافئة...

قبل ما نبدأ بالألوان...نتفق انو الأسود يناسب كل البشرات.

والأبيض يناسب الباردة...والأوف وايت أو العاجي ( السكري ) يناسب الدافئة.

البداية حتكون مع دا الشارت...اللي يوضحلنا الدرجات اللونية المناسبة...

لاحظوا التدرجات...طيب اللون الأزرق مو موجود في التدرجات الخاصة بالدافئة...مو معناه انو مايناسبها...

أي أزرق غامق يميل للأسود فهو يناسب الدافئة...

دا الشارت يوضح التدرجات الدقيقة اللي ممكن نغلط فيها.

مين كان يتخيل انو كاميرون دياز اللي عيونها زرقا وشعرها أشقر انو بشرتها دافئة...

 

هنا ابدأوا من النص...

من النص لليمين دي التدرجات المناسبة للبشرة الباردة...

من النص لليسار التدرجات المناسبة للبشرة الدافئة...

وحتلاحظوا انهم يشتركوا في درجة لونية واحدة...اللي هيا الصف العمودي اللي في النص...

 

هنا كلهم لابسين أحمر...وكلهم اختاروا الدرجة المناسبة...ممكن لأول مرة ماتلاحظوا الفرق بين التدرجات...لكن مع شوية تدقيق حتلاحظوه...

 

الموف...طالع وااااو عليهم

 دي الدرجة تناسب الكل...ولو ترجعوا لأول شارت حتلاقوا تكرر اللون في الدافئة والباردة

بالنسبة للاكسسوار

الباردة تناسبها الفضيات

والمحايدة...يناسبها  النحاسي...الروز قولد اللي هوا دهبي ع وردي...زي كدا...

 

 

 

 

 

 

طيب اذا كنا حابين نلبس فضي...ما حنحرم أنفسنا منو...نقدر ندمج الفضي مع الدهبي وهوا أساسا موضة دحين وشي تريندي...أو نقدر نلبس قطعة فضية وفيها حجر كريم أو كريستال بلون يناسبنا.

الدافئة...يناسبها الدهبيات.

حبيتوا البوست؟

حاولت أختصر ع قد ما أقدر ...أتمنى انكم استفدتوا...