بوست اليوم عن الماسكار...كيف نختارها؟ و تجاربي معاها
لكل ماسكارا وظيفة تختلف ع حسب اختلاف الفرشاية
طيب كيف نختار الماسكارا المناسبة بناءا على شكل فرشايتها
أول نقطة حابة أوضحها...انو نفس قوام الماسكارا يختلف .
عادة ماسكاراالتكثيف يكون قوامها أكثف من ماسكارا التطويل اللي يكون قوامها أخف.
ماسكارا التكثيف تكون أثقل شويا لأنها تغلف الرموش بطبقة سميكة عشان تعطيها سمك و تبين أكثف.
عشان كدا نشوف بنات رموشهم كثيفة و يسبوا ماسكارا تكثيف و يقولوا انها مزعجة و تخلي رموشهم تتشابك و تتلصق...و بنفس الوقت البنات اللي رموشهم خفيفة يمدحوا نفس الماسكارا.
نجي لشكل الفرشاية
دي فرشاية تكثيف
فراشي التكثيف عادة تكون فرشايتها شعرات كثيفة و طويلة و متقاربة...ليه؟
عشان تلقط أكبر قدر ممكن من الماسكارا و تغلف الرموش فيها عشان تبين أكثف
ماسكارا التكثيف...اللي يعيبها انها تتكتل...عشان تتخلصي من دي المشكلة...بعد ما تحطي الماسكارا و قبل ما تجف بسرعة مشطيها بمشط الرموش
ماسكارا التطويل...فرشايتها تتميز في العادة بانها بلاستيكية و شعراتها قصيرة...ليه؟
عشان تلقط الرموش كلها حتى القصيرة من جذورها و توصل لأطرافها فتعطيها طول
ماسكارا الكيرلينغ أو التقويس
فرشايتها تكون مقوسة
طبعا في أنواع ماسكارا تكون مزدوجة الوظيفة
مثلا تطويل تكثيف
أو تقويس تكثيف
أو تقويس تطويل
بس اكتفيت باللي ذكرتها عشان لا أدخلكم في متاهات و تتلخبطوا
تجاربي مع الماسكارا
من الأعلى...ديور شو بلاك آوت - لانكوم هيبنوس دراما - شانيل لي فوليوم دي شانيل - مايبيلين ون باي ون فوليوم
اللي يجمعهم انو مو ووتر بروف...أو ضد الماء
أكره اللي ضد الماء لأنو ازالتها صعبة و تسبب تساقط للرموش
راح أبدأ بحبيبة قلبي ديور
سنوات و هي الماسكارا المفضلة عندي
في بنات كثير ما حبوها
بس أنا أعشق اللوك الدرامي في كل الأوقات
قوامها كثيف و ثقيل و دا اللي يخليها تتكتل
سعرها تقريبا 185
ماسكارا لانكوم هيبنوس دراما
تكثف و تعطي شوية تقوس و رفع للرموش
قوامها كثيف بس مقارنة بكثافة ديور أشوف لانكوم أخف و كمان تتكتل بس دي ضريبة التكثيف
ناسية بكم بس أتوقع 170 يمكن تزيد عشرة ريال
ماسكارا شانيل لي فوليوم دو شانيل
قوامها خفيف و ما تتكتل...تكثيفها بسيط بس نتيجتها في التطويل قوووية
توصل لأطراف الرموش
سعرها 170
مايبيلين ون باي ون فوليوم
أعتبرها البديل الأفضل و الأرخص لشانيل و نتيجتها أحسن
تطول الرموش بطريقة أوفر و تكثف
سعرها مو أكثر من 50 ريال
لي تجارب مع أنواع ماسكارا غير اللي ذكرتهم بس دي المجموعة هي المفضلة عندي
لانكوم هيبنوس دراما جمميلة مرة حبيتها على رموشي وصح تتكتل ادا حطيت كتير شوية ♥♥
ردحذفمايبلين كمان جميلة ماسكراتهم ♥♥
يعطيكي العافية
يعطيك العافيه وضحتيلي نقاط مهمه ذحين هذي بس أشكال فرشة الماسكار ؟ مافي غيرهم ؟
ردحذففي ماسكرا تبع ماكس فاكتور لونها بتفسجي من برا جميلة في التطويل و فرشتها زي ماقلتي❤️
ردحذفالله يعطيك العافية يارب .. بس ليت تكملي وتتكلمي بجزء ثاني عن باقي المسكرات اللي جربتيها كلهاا لانه بنعاني لمن نختار المسكرا .. اخر مسكرا اشتريتها برجوا ٢ في ١ ، التطويل حلوة والتكثيف كمان بس تووووووووسخ تبهذذذذل مااعرفت ايش اسوي لها انا قلت يمكن اذا قربت تخلص يروح ذا الشي بس ماقدرت استخدمتها كلما جيت استخدمها اتذكر انها توسخ واطنش =/
ردحذفديور بلاك اوت ، شي خيااالي من اروع الماسكرات اللي استخدمتها
ردحذفانيقه وفخمه تعطي لوك درامي فضيعه جدا ،
وماسكرا ميبلين ، روعه فوليوم وطول جميييييل
افضل مسكارا جربتها لانكوم دراما المقوسة جدا جدا رائعه ماشاء الله وناسبت رموشي لانها طايحة .. و ميزتها الاضافية غسلها سهل ... اختفت فترة وبعدين رجعت .... تاني بديل ناسبني هيا ميبلين الموف حقيقي تعطي مفعول لانكوم بس تنظيفها يجيب الطفش وتخش جوا العين مراا .. وجربت لانكوم دراما هيبنوس المش مقوسة و ضد الموية ممتازة بس بالغلط شريتها ضد الموية فمخليتها للمناسبات وايام معينه ف الشهر و تنظيفها اسهل من ميبلين مع انها ضد الموية .
ردحذف