مساء الخير
باث آند بودي ووركس...من المحلات المفضلة عندي...أحب منتجاتهم وتنظيمهم و طريقة عرض وترتيب البرودكتس وانو كل قسم خاص بشي معين...أحسو شي قيرلي ومنتجاتهم حلوة مو بس شكل
في بنات فكرتهم عن المحل انو مجرد شاور جل و لوشنز...و منهم وحدة عزيزة ع قلبي أخدتها وروحنا ع المحل...كنت أبغاها تشوف انو أكبر من انو لوشنات وبس...طبعا لما روحنا أنا أشرحلها و أنا اللي أشتري لوووووووول
خرجت منو بدي الأغراض...حعرضها لكم بالتفصيل
اشتريت شموع...والمميز بشموع باث انها قوية وريحتها واضحة وصريحة يعني الشمعة الصغيرة بريحة الكوفي لما تشميها كأنك تشمي كوفي بدون اضافات...الشمعة اللي ع اليمين من قسم الثيرابي...دا القسم علاجي...دي الشمعة للاسترخاء
الشمعة الصغيرة 70 ريال
الشمعتين الكبيرة الشمعة الوحدة 95 ريال...بس حجمها كبير وحلو وتطول
دي كمان من قسم الثيرابي...تحديدا الأروما ثيرابي
اللي ع اليمين سبري انيرجي...يعطي طاقة...يعني اذا كنتي راجعة من دوام وحاسة تعب أو في البيت وحاسة نفسك مكسلة رشي دا السبراي كأنو معطر جو حيعطيكي طاقة ونشاط
اللي لونو أزرق كمان من الأروما ثيرابي...بس باللافندر للاسترخاء...حترشي منو ع المخدة واللحاف و ع السرير...حلو للي نومهم صعب ويعانوا من الأرق...أو حتى لو تبغي تسترخي وتروقي اعصابك
سبري الطاقة 65 ريال
سبري اللافندر 55 ريال
مجموعة بلو...مجموعة عناية للجسم و الأقدام و اليدين
من اليمين كريم غني وعميق للجسم بزبدة الشيا بس احساسو مزعج كأنو طبقة ع الجسم وامتصاصو صعب
اللي بعدو شور جل وفيلو حبيبات تقشير خفيفة وناعمة مالها أي تأثير...دا الشور أول مرا أجربو وشكلها حتكون الأخيرة
والاثنين اللي في الأخير كريمات عادية بس حستخدمهم لليد بعد السكرب
أسعارهم من اليمين 85 ريال - 85 ريال - والكريم الأخير 90 ريال الواحد
كريمين من مجموعة بلو الخاصة بالعناية بالأقدام...يجي معاهم سكرب أو مقشر بس مااشتريتو لأنو عندي سكرب سالي هانسون أفضل منو
الكريم الواحد ب 65 ريال
صابون سائل لليد...في نوع ثاني زيو نفس الشكل بس انو انتي بكتيريا أو معقم...
أول واحد من اليمين للتنظيف العميق و الاثنين اللي جنبو رغوة ناعمة للتنظيف...ريحتهم حلوة...وما يجففوا اليد مرا زي صابون القوالب
سعر الواحد 35 ريال
لوشنات باث آند بودي مرا أحبها ترطيبها كويس وريحتها حلوة وثابتة...ما اشتريت الشور جل لأني أفضل الطبي...و عندي أربعة من باث آند بودي كلهم استخدمت الربع بس و ححاول أخلصهم
اللوشنات اللي اخترتها...كاشمير - باريس أمور - دارك كِس - آمبر
60 ريال للوشن الواحد...واللي حابة تشتري من باث أنصحها تستنى للتخفيض لأنو سعرهم يصير 30 ريال
تويلايت وودز...اشتريتها بدون العطر بداية الشتوية وعجبتني ريحتها...ودحين رجعت اشتريتها مرة ثانية بدون الشور جل و اشتريت العطر
ريحتها حلوة بس ما تناسب الصيف
العطر 130
اللوشنات بدا الحجم حلوة للشنطة ...مرا صغيرة وترطيبها كويس...دا اللوشن اشتريتو قبل ونزلتو ببوست سابق
مرطبات شفايف بنكهة...أول مرا أجربها...عادية مافيها شي مميز مجرد لمعة و طعم وريحة حلوة وترطيبها عادي...أول مرا أجربها و حتكون المرة الأخيرة...صاروا بنات أخواتي يلعبوا فيها
ع قد ما أجرب أقتنع انو مافي زي لابيلو
اشتريت مجموعة كبيرة ليا و لاخواتي حبيباتي حتى خدامتنا وخدامة أختي أعطيتهم
الواحد ب 35 ريال
غلوس شفاف بحبيبات دهبية بمجرد ما أحطو تختفي ويعطي بس لمعة...فكرني ببيس غيرلان
عادي مرا مرا مايستاهل ريال...أول مرا أشتريه و أكيد حتكون آخر مرا
سعرو 70 ريال
فواحة فكرتها حلوة وأكيد الكل يعرفها لأنها من الأشياء المميزة في باث
بس تشبكيها مباشرة في الكهربا وطرفها الثاني تحطي في زيت الفواحة
تضل لمدة اسبوع تقريبا و بعدها تغيري الزيت
اشتريتها لوحدها لأنو عندي كمية كبيرة من الزيت تكفيني سنة لوووووووول
سعرها 35 ريال بس
من قسم الاكسسوار...اللي ع اليمين للصابون بكريستال تغيير عن العادي ب 20 ريال
اللي ع اليسار اشتريتو بمرة قبل ...معقم مع الهولدر تبعو أو الكفر...طبعا أنا مستحيييل أعلقو في الشنطة بس شكلو حلو
المعقم عادي مرا و أحسو مايعقم...اذا ماشميت ريحة ديتول ما أحس اني عقمت يدي
المعقم ناسية سعرو بس يمكن 25 ريال والكفر 35
وبكدا وصلنا لنهاية البوست
أتمنى اذا لكم تجربة مع أي منتج من منتجات باث آند بودي ووركس تشاركوني
.JPG)
