قبل فترة فجأة خالاتي قرروا ياخدوا استراحة و قالوا يلا نتجمع...طيب واللي مو عاملة حسابها و ملابسها في الرياض ( فيس يعيط )
ما كان عندي الا يوم واحد عشان أقدر أدبر نفسي فيه...أصلا أنا أستاهل...ع قول ماما ما يقعد عندنا جديد ههههههه
المهم اني روحت المول و كنت أسابق الزمن...ما عندي وقت الا بين صلاة المغرب و العشاء...بس الحمدلله خلصت قبل آذان العشاء...انجاز بالنسبة ليا لووووووول
كنت حشتري لنفسي بس...لأنو جولي عندها.
و ع طول من بوابة المول لمحل ستراديفاريوس
أول ما دخلت لفتني دا الفستان...و جاء ع بالي انو الموضة وقتها فساتين الستينات و اللي لها بتر بان كولار...أو القبة بنفس دا الشكل...و كانت دي الموضة لخريف 2014 و لسا ببداياتها ما انتشرت.
أول ما أخدت الفستان بنفس اللحظة جاء ببالي أسوي ستايل اسمو أولد لندن بيبول...اللي هو فستان و عليه كارديغان طويل.
والحمدلله لقيت الكارديغان الماروني الطويل بنفس المحل
اخترت اللون الماروني لأنو حيكون موضة الشتوية...قولت ألبسو دحين أحسن قبل لا ينتشر
الكارديغان أقصر من الفستان بشي بسييييط...زي ما شوفتوه ع الانستغرام...حسابي sosanita90 للي ما يعرفوه.
و بما اني قررت انو اللوك يكون أولد لندن بيبول لازم أكمل اللوك بدا الشوز...رغم اني ما أحب الكعب بدا الشكل.
الشوز مخمل و الحمدلله لقيتو بنفس المحل...بس مو مريح أبدا...كرهتو...أصلا لبستو بس في الاستراحة و لما رجعت رميتو عند الباب و لا أفكر ألبسو مرا ثانية
الشوز بشكل أوضح
الشنطة طويلة و هدب...بما انو شنط الهدب موضة
شعري فيكتوريا بس طول و خربت القصة...فصرت أسويه بنفس دا الشكل...ويفي طبيعي عشان يقصر.
طبعا سويتو كدا بدون فير...بس استشورت شعري و هوا لسا ساخن ألفو بيدي و أسويه خصل و أثبتها...و أفكها بعد ما أخلص ميك أب...ويطلع ويفي طبيعي مرتب و حلووو زي الصورا
الاكسسوار...دمجت بين الدهبي و الفضي و ساعة نحاسية
التفاصيل
Dress - Cardigan - Shoes : Stradivarius
Bag : Promod
بالنسبة لجولي...ما كان ف نيتي أشتريلها لأنو عندها...بس بعد ما اشتريت لنفسي افتكرت انو جولي عندها كارديغان ماروني من زارا و جاء ببالي أطقم لها زيي...بس كان ناقصها الفستان...و بما انو ما عندي وقت قولت أختصر ع نفسي و أروح زارا أكيد ألاقي عندو
وفعلا روحت و لقيت الفستان الحمدلله
أسعد بتعليقاتكم
الله يسعدك والله انو استفدت منك كثير ..وياليت تنزلي جديد الموضه اول باول ..والله يحفظلك بنتك وتشوفيها عروس
ردحذفعحبني اللوك كثيير
ردحذفحيياتي مرااا حيلو اللوك يززن ي قلبي
ردحذفملبوس العافية يارب
ردحذفماشاء الله عليك..
ردحذفانسانه ذووق في كل شيء.
حبيت اختيارك مرره . ممكن تتكلمين عن لوك البنات الصغار في الشتاء ايش الحاجات المهمه وكذا لاني بصراحه احتاار كثيير بتنسيق للبس .وألف شكر على المجهود الرائع الي تقدميه لنا. والله يحفظ لك بنوتتك
ردحذفماشاء الله ملبوس العافيه
ردحذفجميلة فكرة التطقيم❤️اذكر مرة فصلت لي فستان سماوي و قلت للخياط إذا زاد من القماش ابغاك تفصلي زيادة فستان بيبي لبنتي ،جلس يضحك و يقول يعني "عشان مافي ضيع " قصده ع بنتي ، عقدني من فكرة التطقيم👊
ردحذف