صباح الخير...كيفكم...
جاتني أسئلة عن طريقة اخفاء الهالات السودا...وبصراحة من قبل الأسئلة كنت ناوية أكتب عن دا الموضوع...لسبب معين...وهوا اني دايما أشوف بنات عارفين للميك أب بس اللي مخرب عليهم الدارك سيركلز أو الهالات السودا...وبعضهم تكون هالاتهم خفيفة ومع الميك أب تزيد سوء...
كلنا نتمنى نوصل لدي النتيجة...الهالات مخفية تماما والمنطقة تحت العين نظيفة ومنورة
دي طريقة مكياجي داااايما...والحمدلله دايما أوصل لدي النتيجة
اليوم راح أعلمكم خطوة بخطوة طريقة الكونسيلر الصحيحة
السر مو في الكونسيلر ولا هوا في ماركة الكونسيلر...
عشان توصلوا لدي النتيجة تحتاجوا ثلاثة منتجات...هم:
الكوريكتر و الكونسيلر واللايت
الكوريكتر...هو منتج يصحح تون البشرة...بشرتنها لها تون معين ومع سواد تحت العين يتغير التون
كوريكتور الهالات السودا يكون باللون الأورانج وقوامو يكون كريمي ثقيل شويا
دا الكوريكتر...طبعا متواجد بكل الماركات تقريبا...
الكونسيلر يكون بدرجة بشرتنا ويكون لونو بيج مايل ع الأصفر
وقوامو كريمي أخف من الكوريكتر بنتفة
آخر شي اللايت اللي هوا الاضاءة اللي تنور المنطقة اللي تحت العين
وتكون بدرجة أفتح من بشرتنا بنتفة وقوامها خفيييف
دا اللايت...وفي من ماركات كثيرة...واللي كثير بنات يستخدموه لحالو ع أساس انو كونسيلر ودا الشي غلط ويزيد المشكلة عندهم
وأشهرهم سان لوران تتش اكلا وبديلو تبع بودي شوب ومايبيلين
تعالوا نشوف الخطوات...
حاولت أدور مقطع واقعي أقدر أشرح عليه...ولقيت دي الهندية هيا أقرب شي للواقعية...
هنا بشرتها قبل لا تبدأ
لاحظوا الهالات والسواد حول فمها و أنفها...
بعد الخطوات الروتينية اللي هيا تنظيف البشرة بالغسول والترطيب...وزعت الكوريكتر...ولاحظوا القوام واللون الأورانج...
بدي الطريقة...وزي ما شرحتلكم ع الانستقرام...انو يكون بشكل مثلث
هنا تصحح اللون حول فمها
هنا بدأت بخطوة الكونسيلر...واللي لونو مايل ع الأصفر...دققوا ببشرتها بعد ماوزعت الكوريكتر أبدا مو واضح اللون الأورانج
والهالات خفت شويا
هنا بعد ماوزعت الكونسيلر...واكتفت بس بدي الخطوتين...
النتيجة مرا حلوة ومبين انو طبيعة بشرتها صافية وموحدة وبدون هالات
مثال ثاني أحلى بكثير
شايفين الهالات السودا والخطوط!!!
شايفين درجة الكوريكتر...أووورانج
وزعتو بالطبطبة باستخدام اصبعها
بعدين دمجتو بالفرشاية
بعد كدا استخدمت كونسيلر بلون أغمق من بشرتها بشويا...لاحظوا قوام الكونسيلر
وعملت نفس خطوة الكوريكتر...وزعتو بالطبطبة باصبعها وبعدين دمجتو بالفرشاية
دحين وصلت لخطوة اللايت...واستخدمت لايت بلمعة بسيطة من سماش بوكس
عموما كل اللايتس من أي ماركة يكون فيها لمعة بسيطة أخف من البيقمنت
واضح هنا انو اللايت لونو فاتح وقوامو مرا خفيف
آخر خطوة استخدمت اللوزباودر للتثبيت
وزعتها بالضغط بالاسفنجة
نتخلص من الزايد بالفرشاية...ونمسح من الزاوية الداخلية للعين لبرا
شوفوا الفرق...طبعا هنا بدون فاونديشن ولا أي شي...ومبينة كأنها طبيعية
النتيجة اللي دايما نشوفها ع السليبرتيز المشاهير...والميك أب آرتيست ...ما تكون نتيجة كونسيلر والسلام
لأ...الموضوع فيه طبقات وطبقات و أكثر من منتج...
طيب واللي ماعندها كوريكتر...أقولها مو لازم تشتريه...
ترا الميك أب آرتيست مو كل شي يشتروه زينا...لأ...يبتكروا ويستخدموا المنتج الواحد أكثر من استخدام
ودا كلام ميك أب آرتيست...يقول انو الكوريكتور هوا يعملوا بنفسو
شوفوا الطريقة
تستخدمي أي كونسيلر عندك...هنا استفيدي من الكونسيلرز اللي ماناسبتكي واستغليها بشي ثاني...
طبعا شايفين اليد يد رجال لوووووول...لأنو ميك أب آرتيست مشهور
حنحط شويا من الكونسيلر مع شوية روج أورانج...وتقدري تستبدلي الروج بشادو أورانج
...
ندمج كويس...وكل شويا ضيفي نتفة من الروج ألين توصلي لدرجة الكوريكتر المناسبة
وصار عندنا كوريكتر
سهل مو؟
نقطة أخيرة حابة أذكرها لكم
انو دي الطريقة تستخدموها لأي بقع غامقة وبنية في الوجه...مو بس للهالات السودا...
تقدري تخفي فيها تفاوت اللون حول الفم و آثار الحبوب
وبس كدا
أشوفكم ع خير ان شاء الله
أي سؤال تقدروا تسألوه في الكومنت...وتابعوني ع الانستقرام sosanita90
فين ذا الموضوع من زمااااااااان
ردحذفياأهليييين فيكي
حذفمرا جميييلهه المدونه وكل موضوع احلى واحلى بحلاوة
ردحذفصاحبته ربي يسعدك .. مرا افدتيناا بمواضيعك .
بس ياليت لو حطيتي شرح فيديو لطريقة اخفاء الهالات لاني احب وافهم اكثر بالفيديو مع ان شرحك جميييل واسلوبك سهل بس انا من النوع الي افضل الفيديوهات مع الشرح ..
ربي يبارك فييك وفي وقتك وعمرك ويرزقك ماتتمنيه .
ياااااااهحبيت المدونة أكثر اللي عرفتني بناس ذوق زيك...ماتتخيلي فرحتي لما وحدة تقوللي انها استفادت من أي شي كتبت عنو حتى لو كان شي مرا بسيط...اللي يسعدكي زي ما أسعدتيني...الڤيديو ولا يهمك ان شاء الله ححاول أجيب لك اسمو عشان تشوفيه...لأني ما حفظتو عندي
حذفياحبيلك انا ماعرف للمكياج ولاشي واخجل اسال يحزنني اني نفسي افهم الكلام بس ماعرف الاسماء الي ذكرتيها بس اعرف كريم اساس وبودره بس وروج وكحل ومسكره هذا معرفتي بالمكياج ياليت حبيلك تقولين اشتري كذا وكذا وكذا. وانا اروح اطلب بس من المحل
ردحذفليه يا حبيبتي تخجلي...مو عيب انو الواحد يتعلم...لا يغرك...ترا كلنا اتعلمنا حبة حبة...ادحلي ع حسابي ع الانستغرام وباذن الله حتتعلمي...ولا تستهيني في اللي انتي تعرفيه...في بنات مايعرفوا حتى للأساس والبودرة...
حذفتحتاجي بيس...وكونسيلر...وهايلايت اللي هي الاضاءة...دا بشكل مبدئي
حتلاقي موضوع في المدونة...حيساعدكي في اختيار الفاونديشن والباودر
حسابي ع الانستغرام
sosanita90
مواضيعكككك جمييييله ... كل واحد احلى من الثاني ...
ردحذفيعطيك العافيه حبيبتي ممرره استفدت من مواضيعككك
الله يعافيكي ويسعدكي زي ما أسعدني تعليقك الجميل
ردحذفينفع استعمل الكريم اساس لعمل الكونتر !!
ردحذفينفع استعمل الكريم اساس لعمل الكونتر !!
ردحذفينفع استعمل الكريم اساس لعمل الكونتر !!
ردحذفينفع استعمل الكريم اساس لعمل الكونتر !!
ردحذفينفع استعمل الكريم اساس لعمل الكونتر !!
ردحذفايوا...أدخلي حسابي ع الانستغرام كتبت طريقة استخدام الفاونديشن للكونتور❤️
ردحذفاشكرك من كل قلبي
ردحذفمرحبا يعني احط قبل الكريم أساس ولا لا واذا بعد لازم ارجع اغطي بالأساس الهالات بعد ماسوينا هالحركة ولاخلاص مايحتاج احط عليه كريم اساس
ردحذف