الأربعاء، 1 يناير 2014

تجربتي مع الليزر...هنا اجابة لكل تساؤلاتكم واستفساراتكم



السلام عليكم...

وصلتني استفسارات كثيرة عن الليزر وتجربتي معاه...دا البوست باذن الله حيكون اجابة لكل تساؤلاتكم...

بحكم تجربتي الناجحة الحمد لله مع الليزر من خمسة سنوات...وتجارب اخواتي كمان...صارت عندي خبرة في الليزر...ومرجع لبعض صاحباتي وقريباتي...

أول شي التهمة اللي للأسف موجهة لليزر انو يزيد الشعر وانو بعد فترة يطلع دا الكلام كلو غلط...

أولا لازم نتفق انو الليزر فعال مع الشعر الأسود...يعني كل ماكان الشعر ثقيل وأسود كل ماجاب الليزر نتيجة ممتاااازة...

دايما أسمع بنات يقولوا أنا شعري ثقيل و أسود يبغالي أكثر من جلسة والليزر ما حينفع معايا...بالعكس مين قال كدا...انتي يمكن ماتحتاجي الا جلستين وصارت البشرة صافية ونظيفة وزي الفل...

تخيلوا معايا انكم رايحين تعملوا ليزر...يعني حآخدكم بزيارة وهمية خيالية لوووووووول...

قبل الليزر بيومين المفروض ما تسكربي بشرتكي ولا تعملي حمام مغربي...عشان لا تزيلي الطبقة الدهنية الطبيعية بالبشرة ووقت الليزر تتحسس بشرتكي...

في بنات يروحوا العيادة بدون مايشيلوا شعر المنطقة اللي يبغوا يعملولها ليزر...بحجة انو الدكتورا تكشف وتشوف الشعرة وتحكم ع قوة الليزر اللي حتستخدمو لها...وتجلس الممرضة تحلق لهم بالشفرة في العيادة...ييييك...ليه كدا بس!!!

قوة الليزر مالها علاقة بالشعرة لا بسماكتها ولا لونها...قوة الليزر ع حسب لون البشرة...البشرة البيضا يستخدمولها درجات عالية من الليزر...والسمرا درجات منخفضة...
ليه؟

لأنو الليزر جهاز مايشوف الا اللون الأسود وتدرجاتو...اذا استخدمنا درجة عالية ع بشرة سمرا راح يحرق الشعرة والبشرة...

كدا اتفقنا؟

طيب...اش المنطقة اللي حتليزريها لووووووول اش رايكم بس بالمصطلح...المهم...دا يعتمد ع الشعرة نفسها...

الليزر جهاز يعمل بالعكس...كيف؟

الشعرة السودا السميكة يقضي عليها...والشعرة الخفيفة الناعمة يزيد سمكها وسوادها ويخللي المنطقة مشعرة وماعاد ينفع فيها الليزر...

في عيادات عندهم أمانة...اذا شافوا المراجعة ماعندها خبرة وجاية تعمل ليزر...ما يعملولها في المناطق اللي شعرها وبري وناعم حتى لو طلبتهم...و في عيادات أهم شي عندهم المكسب المادي...آخدين الشغلة تجارة...

في بنات عندهم منطقة الزند شعرها ناعم وخفيف حرام يلعبوا فيه بالليزر لأنو حيكثف ويصير مأساة...
ونفس الشي الوجه...أعرف وحدة عملت وجهها كامل وكان شعر وجهها وبري خفيف...في شعر لكنو ناعم...صارت كأنها رجال بلحية...ووصلت الستة جلسات ومانفع معاها...وعمرو ما حينفع...لأنها ضربت منطقة أساسا الشعر فيها ناعم وخفيف...

طيب في البيت قبل موعد الجلسة بيوم حتشوفي المنطقة اللي تنطبق عليها المواصفات المناسبة لليزر...يكون شعرها كثيف وسميك و أسود...وحتحلقيها...ليه قبلها بيوم؟ لأنو لو حلقتي بنفس اليوم الليزر  حيحرقكي في المناطق المخدوشة و المتحسسة من الشفرة ...أوكي؟

يوم الجلسة حتلبسي شي واسع وقطن...عشان بعد الجلسة ما تتحسس بشرتكي...أشوف بنات يجوا العيادة بجينزات ضيقة...ليه طيب؟ وبعدها يشتكوا من التحسس والحروق والاسمرار ويسبوا الليزر ويشوهوا سمعتو...

وقت الجلسة حيكون في شوية ألم...بعد الجلسة حتوزع الممرضة ع المنطقة اللي ليزرتيها كريم أبيض يهدي الاحمرار...دا الكريم هوا مرهم اليكا...

أفضل وقت تعملي فيه الليزر هوا الشتوية...واذا عملتيه في الصيف...حاولي تروحي بدوام المسا عشان الجو يكون برد شويا...
و أهم شي لا تتعرضي للحر ولا الشمس لمدة 24 ساعة...ولا تستخدمي أي شاور جل ولا صابون ولا لوشن...

بعد الجلسة باسبوعين تقريبا...حتطلع نقط سودا في بشرتكي...وهنا حتبكي وتندبي حظك...و تندمي...وصاحباتك و أهلك اللي مو مقتنعين بالليزر...حيتشمتوا...ويقولولك شوووووفتي كييييييف قولنالك ونصحناكي وماسمعتي كلامنا...وفلانة حتقولك البنت الفلانية انحرقت من الليزر واللي تقولك في بنت ماتت من الليزر لووووول...عادي جدا تسمعي دي الأفلام الهندية...
أهم شي من يضحك أخيرا ههههههه...

بعد الاسبوعين حيطلع شعر كثييير و أسود بمجرد ما تسحبيه بيدك حينزل معاكي...عادي سيبيه ياخد راحتو لا تتهوري وتلعبي فيه...دا كلو البشرة تنظف نفسها من الشعر وكل البصيلات تخرج شعراتها...

ملاحظة مهمة: مو شرط بعد اسبوعين...ع حسب البشرة...أنا ما طلع الا بعد شهر ونص...
المهم اللي حيطلع حيكون زي الميت تقريبا...مو شعر في حالتو الطبيعية...

بعد شهرين يكون اكتمل نموه...هنا يجي وقت الجلسة الثانية...احلقي بالشفرة...وروحي اعملي الجلسة الثانية...

بعد الجلسة الثانية اذا طلع فهوا حيطول مررااااا ع بال مايطلع...ولما يطلع حيكون نااااعم وخفيف ومتفرق...يعني حتشوفي في مناطق ماطلع فيها أبدا...
وفي ناس خلاص مايطلع نهائي...

عني أنا احتجت ثلاثة جلسات وقضيت عليه الحمد لله...

أهم نقطة يابنات...انو الجلسة الثانية لا تتأخري فيها...اذا اتأخرتي حيقوى الشعر وكأنك ما عملتي شي...
وأهم شي...لا تشيلي بالحلاوة ولا الفتلة و لا الشمع ولا الملقط...ولا بأي طريقة نزع شعر...

لأنو اذا نزعناه حتتنزع معاه البصيلة اللي قضينا عليها بالليزر...و حتطلع مكانها بصيلة جديدة...وحنرجع لنفس الموال ولااااا كأننا ساوينا ليزر...ويروح شغلنا ع الفاضي...

عشان كدا البنات اللي يعملوا ليزر ويطلع بعد شهرين أو أكثر و أقل بشويا...ييأسوا و يروحوا يشيلوه ويقولوا مانفع معانا الليزر...

بعد الجلسات...حتنعمي ببشرة بيبي صاااافية و نظيفة ومافيها مسامات بالذات الساق...ووداعا للشعر وألم الحلاوة وعذابها...

بالنسبة ليا عملت جلساتي زماااان بعيادة وفاء طلبه...ومرا غاااالية للآن غالية...عملت الساق للركبة ب 1700 ريال الجلسة الوحدة...رغم انو في عيادات يعملوا الفل بودي بدا السعر...

طبعا الليزر ما يفرق من عيادة لعيادة...لأنو هوا مجرد جهاز وينضبط ع الدرجة المناسبة وبس...أهم شي انكم تسألوا عن نوع الجهاز المستخدم...اذا قالولكم جنتل ليز اتكلوا ع الله وابدأوا الجلسة...لأنو الجنتل ليز هوا أفضل جهاز...

وتذكروا يابنات...لا تاخدكم الدنيا وحبها...ايوا نتجمل ونهتم ونتدلع بس بعيدا عن الحرام...خلوا ربنا قدام عيونكم...
الأفخاد تدخل من ضمن الحرام...ومنطقة البكيني...تذكروا انها عورة مغلضة...بأي حق تشوفها فلبينية؟
ماراح أتكلم عن الخجل والحياء...لأنو دا الشي يمكن يكون منزوع من بعض البنات الله يهديهم...
ومن ترك شيئا لله عوضه الله خيرا منه...

و في عيادات يوفروا الليزر الذاتي لمنطقة البكيني...


أتمنى اني كدا جاوبت ع كل استفساراتكم...و أي استفسار أنا حاضرة للاجابة عليه باذن الله...

انستغرام sosanita90

هناك 40 تعليقًا:

  1. انا جربت عيادات الكافي بالمدينة
    مررة كوويسين و الدكتورة رائعة
    واسعارهم حلوة

    ردحذف
  2. ياحلاة مدونتك فينها من زمان يسعدك ربي ويرزقك بكل خير
    ابسألك عن جهاز الليزر من فليبس يكفيني بدل مااروح العياده وكذا ؟؟

    ردحذف
    الردود
    1. منورتني ياقمر

      صراحة ماجربتو...رغم انو أختو اقترحت انو نشتريه ونجربو بس أنا مارضيت
      لسبب واحد...انو أكثر التجارب يقولوا انو مفعولوا مرا مرا بطييييء واذا وقفتي استخدامو يرجع مرا ثانية
      وأنا الصراحة أبغى نتيجة مضمونة وسريعة...وما أعتقد اني حيكون عندي وقت أقضيه بالساعات عشان أعمل لنفسي جلسة خاصة انو الجهاز يغطي مساحة صغيرة...أعطي الخباز خبزه لو أكل نصو لووووووول

      حذف
  3. ايش افضل عيادات الليزر هنا بجده ، انا قد عملت جلستين بالاستشاري في الرياض وكانت تجربه روووعه ونعومه ودلع
    بس هنا لسى مالقيت مركز مضمون وسعره مناسب.. ايش رايك في امواج اللي بشارع سلطان ؟؟ واذا فيه احسن منعا ياريت تقولي لي

    ردحذف
    الردود
    1. للأسف ياقمر ما أعرف بجده...كان نفسي أفيدك

      حذف
    2. عيادة السامرية مرا ممتاز

      حذف
  4. انا طلعلي حبوب كتيير جدا بظهري ووجهي ومرا كارهه نفسي ?! اكمل ولا اوقف ?! وكمان الزكتور قالتلي كل شهر اجيها انتي تقولي شهرين ليش ?!

    ردحذف
    الردود
    1. أفضل عيادات الليزر بالمدينة

      حذف
  5. انا سمعت انه المدينة الطبي كويس بس مافي خدمة ذاتية وفي عرض اربع جلسات ب6000 ،بس انا ابغى خدمة ذاتية للمنطقة الحساسة هل وفاء طلبة عندهم خدمة ذاتية؟

    ردحذف
  6. يعني ماسوي المناطق اللي فيها الشعر قليل مره ؟ يعني اليد فيها مناطق فيها شعر كثيف و شعر قليل كيف اسوي نص ايوا و نص لا :( !

    ردحذف
  7. طيب انا حنطية وشعري جسمي شويتين خفيف ... قلت باشيلو بالموس ألين ما يطلع اقوی بعدها اروح اعمل ليزر .... ينفع ؟!

    ردحذف
  8. سمر بالله بسالك انا لوني قمحي فاتح عندي مشكله في السيقان انو الشعر لما اشيلو بالحلاوة يخش جوت الجلد ولما يطلع تبدا الحكحكة ومعاناة ودم ونقط تنصحيني اسوي ليزر والمشكله الين فخودي ونا متزوجة والشي دا مرة مسببلي احراج والشي التاني اني مرة خايفه من الليزر كتير قالو له اضرار في المدى البعيد في المستقبل يعني امراض وكدا وسرت اتردد ايش تنصحيني 😔

    ردحذف
  9. يعطيكي العافية... شرح رائع

    انا فعلا سويت ليزر والحمدلله النتيجة روعة وقدمت على الأيام اللي تأخرت ونا سويت فيها

    انا من جدة وسويت بالسامرية

    ردحذف
    الردود
    1. السامريه عندهم جهاز الدويتو وعند مين تنصحيني أسوي وهل كان فيه ألم واحتجتي تستخدمي بنج

      حذف
  10. للاسف انا اعاني من المسام بالساق واليد وسويت 6 جلسات ليزر على امل تختفي المسام لكن ما اختفت !

    ردحذف
  11. كأنك نازلة عليا من السماء لي كم يوم ابحث فموضوع الليزر بجد استفدت من كلامك كثيييييير الله يسعدك يارب ع كم الجلسة للوجهه عند وفاء طلبة

    ردحذف
  12. عملت ليزر امبارح ومحتاره الشعر الي حلقته قبل الجلسه بدء يطلع ع السطح اليوم ده طبيعي ولا ايه حد يطمني

    ردحذف
  13. طيب الحين انتي يا سمر ما شلتي الا يدك وسيقانك ؟ طيب والظهر والبطن والفخوذ وش سويتي فيهم ؟

    ردحذف
  14. طيب الحين كيف نشيل اﻻماكن الخفيفه بالجسم خاصه الوجه؟؟اقدر اجيب جهاز للبيت واشيل لنفسي؟؟

    ردحذف
  15. اش افضل عيادات ف المدينة؟

    ردحذف
  16. أنا بشرتي حنطية بس فاتحة ولون الشعرة في البكيني فيكي تقولي بني فاتح تنصحيني أعمل ليزر أو لا ؟ وخايفة لانك قلتي انو ممكن يسمك ...شو ممكن تقوليلي ؟

    ردحذف
  17. اوعو تعملوا وجهكوا .. نصيحة لوجه الله .. اوعوا تعملوا ليزر في وجهكوووو

    ردحذف
  18. شكرًا لك
    طيب فين افضل عيادة الليزر منطقة البكيني بالمدينة

    ردحذف
  19. جزاك الله خير أختي على المعلومات الوافيه الله يسعدك وينول لك اللي في بالك ...

    ردحذف
  20. جزاك الله خير أختي على المعلومات الوافيه الله يسعدك وينول لك اللي في بالك ...

    ردحذف
  21. للي حابين يعملوا ليزر في عيادة ممتازة سمعت من اكثر من وحدة جربوها ومبسوطين من شغلهم اسمها عيادة ذا كلنكس بالرياض شارع التحلية
    للي حاب يحجز عندهم 4651919

    والحين فرصة مسويين لهم عروض هالشهر www.the-clinics.com/lp/ar

    ردحذف
  22. مين تعرف عياده بجده عندهم جهاز الدويتو وخدمه ذاتيه لأَنِّي قريت عنه انه ألمه محتمل جداً وفعال اكثر الله يسعدكم الي تعرف ترد انا من جدة

    ردحذف
  23. في مجمع د.سعيد الطبي بجدة حي النسيم
    عندهم عيادة جلدية و الليزر و تجميل .. مرة يمدحونهم واجهزتهم حديثة وجديدة
    و اعرف كم وحدة عملت ليزر عندهم و الاسعار معقولة و دايما مسوين عروض
    وهذا رقم تلفونهم0122522999

    ردحذف
  24. شكراً لك مررره استفدنا من خبرتك

    ردحذف
  25. ليه الوجه مانعمل فيه ليزر هو المشكلة الأكثر عندي شعر الوجه خاصة في منطقة الدقن من سنتين زادمرررره

    ردحذف
    الردود
    1. لانه الوجه يكون شعره وبري كده الدكتور طلال محيسن يقول وغير كده اعملي شمع وبعدها ادهنبها بزيت نبات السعد وراح تدعي لي

      حذف
  26. السلام عليكم سويت جلسه و كانت القوه ٧ هل تعتبر خفيفة ؟نوع الجهاز إيليت

    ردحذف
  27. السلام عليكم سويت جلسه و كانت القوه ٧ هل تعتبر خفيفة ؟نوع الجهاز إيليت

    ردحذف
  28. بنات انا سمرا وشعر جسمي سميك ومسامات وسويت. ليزر اول جلسه وكانت القوه ٦ لان كنت اتالم ونقصت مرره ابرد شي عادي كذا لو استمرت كل جلسه

    ردحذف
  29. السلام عليكم بنات كيفكم حبايبي حابه افيدكم انا سويت ٤جلسات وباقي ٢جلستين في منطقه البكيني واندرارم بصراحه نتيجه فظيع ماشاء الله تبارك الله اول شي فتح المناطق وبدات منطقت البكيني وخف الشعر جدا جدا يطلع ع مناطق خفيف جدا ويطيح من حالو والحمدالله ارتحت

    ردحذف
    الردود
    1. طيب اختي وش كنتي تستعملين بعد جلسة الليزر من لوشن لأن الدكتوره تقول لازم ترطبي جسمك عشان ماتسمر

      حذف
  30. طيب ياحلوات في احد عمل تفتيح بالليزر

    ردحذف
  31. السلام عليكم عندي سؤال ابي ليزر للرجال كمل الجسم وش افضل مصتوصف

    ردحذف