صباح الخير...صارلي زمااان عن التدوين
كثير طلبوني أتكلم عن كلاريسونيك...
حتكلم عنها بكل شفافية...حعتبر اني لسا ما اشتريتها...و اني ناوية أشتريها وجالسة أبحث بقوقل عن تجربة تفيدني...
قبل ما أشتريها بحثت كثير عنها...وللأسف كل التدوينات والتجارب اللي كنت أقراها عنها...نفس بعض بالزبط...
تجارب سردت مميزات الفرشاية...نفس اللي مكتوب عنها بموقع الشركة...انها تشتغل لمدة دقيقة...عشرين ثانية للوجه وعشرة لكل خد وهكذا...الخ
قررت أشتريها...وأجرب بنفسي...
اللي اشتريتها ميا...بسرعة وحدة...وفرشاية وحدة للوجه...يجي معاها شاحن وغسول
عشان أكون واضحة معاكم...كثير كنت أقرأ عنها تعليق ( كيف كنت عايشة بدونها)
كنت أتمنى اني أقول دي الجملة...بس كنت عايشة بدونها...و أتوقع اني أقدر أعيش بدونها...
طلبتها أون لاين من أمازون...ولما وصلتني ظليت يوم كامل قبل ما أستخدمتها موقفة غسولاتي و السكرب وكل شي من عناية وجهي لأني أبغى أشوف الفرق...بعد يوم استخدمتها
استخدمتها مع غسولها...الغسول أتعب أقولكم سيء...مدمر للبشرة...ريحتو قوية قوية قوية...كأنك تغسلي وجهك بعطر رجالي
لدرجة انو ريحتو ثبتت بالحمام كأنو شاور جل
بعد أول استخدام وقفتو...وثاني يوم...طلعت ع أطراف شعري من جهة الجبهة كاملة حساسية واحمرار وتسلخات وطاح شعري كثييير...الشعر الصغير اللي بأطراف الجبهة تقريبا كلو طاح...اتعالجت بأدوية ومراهم والحمدلله
كتبت تجربتي مع الغسول...لأني كنت ناوية أطلب الغسول لوحدو والحمدلله اني ما طلبتو
أول مرا استخدمتها...كنت متوقعة ألاقي بلاوي في الفرشاية...لكني انصدمت انها نظييييفة كأنها لسا جديدة وما شوفت الوسخ اللي كانو يتكلموا عنو...كانت عندي أختي متحمسة للنتيجة ولما وريتها الفرشاية انصدمت
استخدمت الفرشاية مع غسول كلارينس مورينقا بس مخلص مو نفس اللي في الصورا...ومع غسول ايف روشيه...
كنت متوقعة انها تعمل رغوة...بس طلعت غير توقعاتي...ما في رغوة و لا فقاعات هههههههههه بس تحسي بوجود الغسول وشي صابوني خفيييف وناعم...ومع أي غسول أستخدمو كانت نفس النتيجة...
الفرشاية مو ناعمة مرا ولا خشنة مرا عادية
ع قد ما حاولت أمررها ع أنفي ما قدرت...أحس يجيلي ارتجاج في المخ لوووووول
والرقبة كمان ماقدرت...غثيااااان و حسيت حرجع الله يكرمكم
الفرشاية تشتغل لمدة دقيقة كاملة بدون توقف...لما يقولوا 20 ثانية للجبهة و 10 ثواني لكل خد...انتي تقدري الوقت تقدير
واذا وقفت الفرشاية بعد دقيقة...وحسيتي انو بشرتكي لسا محتاجة عادي كلها كبسة زر وترجع تشتغل
أوقات أستخدمها بس ع جبهتي ودقني...و أوقات أشغلها مرتين يعني لدقيقتين
بشرتي عادية وماشاء الله والحمدلله صافية
النتيجة اللي أحسها بعد كل استخدام...نعومة و كأنو البشرة مصقولة و منورة
النضارة تختفي بعد ساعة أما النعومة و مظهر البشرة المصقولة يستمر طول اليوم
مرت عليا ظروف ما قدرت أستخدمها ليومين...تخيلوا انو بشرتي رجعت عادية كأني بحياتي ما استخدمت كلاريسونيك
يعني ما تعطيكي نتيجة دائمة
بعد استخدامها باسبوعين طلعت لي حبة بخدي
أول ما تشتري الجهاز...لازم تشحنيه لمدة 24 ساعة...بدون انقطاع...يعني ما تشبكي و تفصلي لأنو كدا حيخرب الشاحن
طبعا زي ما انتو شايفين ما لها مدخل يو اس بي
الشحن يكفيكي استخدام تقريبا اسبوع
كدا يتشبك الشاحن...بس تحطيه ع الجهاز وتحسي كأنو في مغناطيس يمسك فيه
وقت الشحن حتكون في لمبة صغير تولع وتطفي...و اذا اكتمل الشحن تولع وتستمر منورة
سعرها 125 دولار
يعني 469 ريال
الشحن الداخلي مجاني
كنت طالبة كمان فراشي ريل تكنيكس و فراشي كوستال و شوية اكسسوار للتسريحة...وكلفني شحنهم كلهم 150 ريال واصل لباب البيت
أتمنى انو دا البوست كان اجابة شافية لكل وحدة تسأل عن كلاريسونيك
ايش اكسسوارات التسريحة...
ردحذفاتعقد من خربطة التسريحة ميك اب مع كريمات على ادوات شعر واكسسوارات... ممكن تعطينا طريقة لكيف نرتبهم؟؟؟
والله حتى أنا...كل فترة أعتمد طريقة عشان ما أمل
حذفكنت ناوية عليها،بس قلبي حاس انها خربوطية ..شكلي بعتمد قلبي دايم ههه شكرا ي جميلة شكرا
ردحذفههههههههه ايوا ثقي بحدسك
حذفيعني مو لازم نشتريه ... الله يخلي فرشة بودي شوب لطيفة وظريفة
ردحذفاممم تاكدي من جهازك شكله تقليد
ردحذفراسلت الشركة بكود الجهاز و ردولي انو أصلي
حذفممكن تنزلي لنا بوست عن التسوق وشركات الشحن والارخص والاسرع بالشحن وكذا
ردحذفنتيجتك مره سلبيه معاه ! فيه وحده تقول إنها اشترت جهازها من أمازون واكتشفت إنه تقليد !!
ردحذفتأكدي من حقك وشوفي هذا الفيديو والرابط عشان تتاكدين ..
http://www.youtube.com/watch?v=1lrvV4-D9Fo
http://www.ebay.com/gds/How-to-Spot-a-Fake-Clarisonic-Mia-2-/10000000176982518/g.html
راسلت الشركة بكود الجهاز و ردولي انو أصلي
حذفHi Samar
ردحذفI love what you shared about your personal experience with Clarisonic ... I'm thinking to get one soon.
NAWAL
مر ع الموضوع سنه بس حابه ارد
ردحذفشي طبيعي ما بتطلع اوساخ ف الفرشاه
اليوتيوبرز ينظفون المكياج بالفرشه
ف طبيعي تكون سودا
اضم صوتي بكلامها . نفس حكايه بضبط .. صراحه تندمت اني اخذته وصار سعرها 700 ريال لون ابيض اذا لون ثاني يرتفع سعر من سيفورا .. ابحثي قبل لا تشتري شي
ردحذفعادي هي تبين نتيجتها بعد مده من الاستخدام مش سحر!!!
ردحذفبالبدايه رح تطلع الحبوب اللي تحت الجلد ببشرتك والاشياء هذي يعني شي طبيعي انو تطلع لك حبوب بعد اول فترة استخدام وثانيا لازم تستخدمينها يوميا..
انا مفكره اشتريها وشفت ريفيوز عنها بكل مكان وصور لقبل وبعد ومازلت متحمسه انو اشتريها
عادي هي تبين نتيجتها بعد مده من الاستخدام مش سحر!!!
ردحذفبالبدايه رح تطلع الحبوب اللي تحت الجلد ببشرتك والاشياء هذي يعني شي طبيعي انو تطلع لك حبوب بعد اول فترة استخدام وثانيا لازم تستخدمينها يوميا..
انا مفكره اشتريها وشفت ريفيوز عنها بكل مكان وصور لقبل وبعد ومازلت متحمسه انو اشتريها
بالعكس راااائعه مجربتها وتستاهل سعرها ،،، انتي استخدامك لها احتمال فيه غلط ،،، وبعدين قبل تستخدميها لازم يكون لك برنامج عنايه للبشره مثل تستخدميها قبل النوم وتحطي كريم ع بشرتك للترطيب مثلا بعدها ،،، وبعدين منطقه الانف المفروض تفكي الفرشه من الوسط هي تنفك وتوصل للاماكن الصغيره بالوجه ،، وحكاية الرغووه بالعقل اصلا مااتطلع رغوووه ،،، والغسول تقدري تستخدمي اي غسوول حتى الغسولات اللي فيها حبيبات ،،، بصراحه روووعه ،،، حتئ المكياج يضببببط ع البشره من بعد استخدامها
ردحذفبالعكس الجهاز رررعه انا لي فتره استخدمه. بس لازم تعرفي ان الفرشا تحتاج تغيير كل ٦ شهور
ردحذفوفي انواع كثيره لها. انا اشتريت كم نوع من الفرش والجهاز من تاجره في الانستقرام توفرها من امريكا باسعار رخيصه
متجر فتافيت matjer_fatafeet
بالعكس الجهاز رررعه انا لي فتره استخدمه. بس لازم تعرفي ان الفرشا تحتاج تغيير كل ٦ شهور
ردحذفوفي انواع كثيره لها. انا اشتريت كم نوع من الفرش والجهاز من تاجره في الانستقرام توفرها من امريكا باسعار رخيصه
متجر فتافيت matjer_fatafeet