كيف أختار شنطتي؟

صباح الخير...بوست اليوم خاص بالفاشن...ان شاء الله تستفيدوا منو

الشنطة مو مجرد قطعة اكسسوار...اذا عرفنا نختارها صح حتكون قطعة مهمة تكمل اطلالتنا

قبل ما أبدا بالبوست بالتفصيل...حطي ببالك انو اختيارك للشنطة يكون عكس شكل جسمك.

اذا كانت أكتافك عريضة و جسمك مو مخصر و حاسة انك تميلي للشكل المستطيل...اختاري الشنطة الدائرية أو المربعة

 

واذا كنتي من صاحبات الوزن الزائد و عندك كرش و شكل جسمك أقرب للدائري اختاري الشنطة المستطيلة

و قيسي ع كدا.

دا بشكل عام.

 

 

كيف نخفي عيوب الجسم بالشنطة؟

 

* اذا كنتي ممتلئة من الجزء العلوي من الجسم... الزنود و الأكتاف و الصدر...لا تفكري بالشنطة اللي سيرها قصير...حاولي تبعدي التركيز عن دي المنطقة بالشنط اللي سيرها طويل...زي اللي بالصورا...حتى  الكلتش لا تقربيها من دي المنطقة نهائي.

 

 

 

والعكس طبعا...اذا كنتي ممتلئة من منطقة الخصر والأفخاذ و الجزء السفلي عموما...اعتمدي الشنط اللي سيرها قصير...و تكون الشنطة تحت مستوى الابط...و ابتعدي عن الشنط اللي تفاصيلها كثيرة...

 

 

 

"""""""""""""""""""""""""""""""""""""""""""

 

 

بالنسبة لحجم الشنطة...دايما حجم الشنطة يكون متناسب مع حجم الجسم.

 

ليه؟ عشان ما يكون في مقارنة بين حجمك و حجم شنطتك.

 

مثلا...اذا كان في شخص طولو متوسط...و خليناه  يوقف جنب شخص مرا قصير راح نحسو مرا طويل...و اذا خليناه يوقف جنب لاعب كرة سلة مثلا راح نشوفو مرا قصير.

 

 

 

 اذا كنتي طويلة و عريضة...يعني حجمك كبير...و معاك شنطة صغيرة...راح تضاعف حجمك و تصير الشنطة كأنها عصفورة بيدك...لأنو تلقائي راح نقارن بين حجمك و حجم الشنطة.

 

والعكس...اذا كنتي بيتيت أو حجمك صغير و معاك شنطة كبيرة مرا حتظهري بمظهر أصغر و كأنك طفلة تلعب بشنطة أمها.

 

 

فاذا كان حجمك كبير..اعتمدي الشنط المتوسطة أوالكبيرة  أو اللي مالها حجم معين زي دي الصورا.

 

 

 

 

 

شايفين جلدها...لين...يتشكل بأي حجم.

 

 

وبالنسبة للكلتش...ابتعدي عن الأحجام الصغيرة اللي ممكن تبين بيدك كأنها محفظة أو بوك...و اعتمدي الأوفرسايز كلتش...اللي يكون حجمها كبير.

 

 

 

 

 

 

اذا كنتي طويلة ونحيفة...اعتمدي الأحجام الكبيرة و اللي ع الكتف...و بالنسبة للكلتش كمان اعتمدي الحجم الكبير منها...أهم شي تبعدي عن الأحجام الصغيرة والشنط المستطيلة اللي تكون بالطول...لأنها راح تزيد طولك.

 

 

 

 

اذا كنتي بيتيت...أو حجمك صغير...اعتمدي الشنط الصغيرة...و دايما شيليها قريب أو ملاصقة لجسمك...الا اذا كنتي ممتلئة من تحت اختاري الشنطة اللي سيرها قصير زي ما اتكلمنا ببداية البوست.

 

 

 

 

 

واذا كنتي حابة تعطي نفسك شوية طول...اختاري الشنطة اللي تكون بلون لبسك واعتمدي الشنط الطويلة ...اللي شكلها مستطيل زي كدا...

 

 

 

 

 

 

أوقفي قدام المراية و جربي شنطك و لاحظي الفرق

 

حبيتوا البوست...تعليقاتكم تسعدني