صباح الخير...كيفكم و كيف اجازتكم...
بوست اليوم فاشن...و تحديدا يخص البنات المتورطات بالكلاسيك ستايل...
اللي تحس نفسها عالقة بالستايل الكلاسيك...و تحاول تغير و تجدد بستايلها بس تلف و تدور و ترجع للكلاسيك...
بعض البنات ماعندهم الجرأة...أو ما اتعودوا...أو يخافوا من التغيير...فيفضلوا الستايل المحايد لأنو أأمن لهم.
ما أقولك غيري كل شي ...بس تقدري حبة حبة...
دا لبوست في شوية أفكار ممكن تساعدكي...
للأسف أنا مسافرة...فما حقدر أتوسع في البوست...لكن حصور لكم شوية أفكار من اللي موجودة بشنطة سفري...
اتفقنا؟
الكلاسيك ستايل...يعتمد ع الألوان المحايدة واللي غالبا تكون أسود و أبيض...وكل تفاصيلو كلاسيك...أنا معاكم انو ستايل حلو و شيك و في فخامة...بس برضو حلو تغيري شويا لأنو ستايل جامد ع الأغلب.
أول حركة ممكن تكسري فيها حدة الكلاسيك...هو انك اذا كنتي لابسة قميص...تفتحي الأزارير اللي ع الرقبة... و تثني الأكمام بدا الشكل...دي الطريقة كفيلة انها تعطي ستايلك شوية مرونة و حيوية.
المناكير الملونة...و اسورة ملونة...كفيلة انها تضفي شوية رونق و حياة لستايلك
الستيتمنت نيكلس...من القطع اللي ممكن تضيفيها لستايلك الكلاسيك...تعطيك لوك فرش
الشنطة الملونة...ممكن تستبدلي شنطتك الكلاسيك بشنطة بلون حيوي...حتخرجي عن الستايل الكلاسيك بشكل آمن
ممكن تستبدلي الهاي هيلز بفلات ... و بكدا تنقلي ستايلك الكلاسيك...لستايل بسيط و ناعم و ينفعك في خرجة بسيطة
ولاحظي انك لازلتي محافظة ع الكلاسيك...يعني ما حتخافي من التغيير
شنطة حيوية و بشكل ناعم...ممكن تخلي ستايلك الكلاسيك أكثر مرونة و أنوثة و نعومة
ممكن تغيري قطعة من لبسك سواء اللي فوق أو اللي تحت...تغيري لونها من اللون المحايد للون فاتح و حيوي
شايفين...حافظنا ع كلاسيكية الستايل...مجرد تغيير لقطعة من اللون الأسود للون الأصفر...أضافة حيوية للستايل
و أضفت هنا ستيتمنت نيكلس...
شايفين التغيير شويا شويا...و بالتدريج..ان شاء الله بس أرجع الرياض أنزل بوست ثاني بأفكار أكثر...
حبيتوا البوست؟....استفدتوا؟
اش اقتراحاتكم للبوست اللي بعدو...فاشن...أو عناية...أو ميك أب؟
يسلمووو سموووره انت رااائعه
ردحذفيسلمك ربي حبيبتي
حذفتسلمين ي عسل والى الامام ،،،ي ليت يكون فاشن
ردحذفيسلمكي ربي
حذفاتيييقه ربي يسعدك احب تدويناتك وكلامك عن الفاشن احس عندك معلومات كثيره ودقيقه مو بس سالفه تنسيق الوان .. انا ارشح الفاشن قليل اللي يتكلموو عنه وتميزتي فيه
ردحذفمن ذوقك حبيبتي...و كتبنا عن الفاشن
حذفروووعه جد بوست مفيد وحلو ونبغى كل شي منك حلو حتى لو طبخ ونفخ ههههه
ردحذفههههههههههههه الا الطبخ و النفخ هههههههه
حذففعلا كمية اناااقه بسم الله عليك امم ممكن اسئلك كيف بترتبي الاكسسوريز بالسفر اتعقد منها :(
ردحذفأنا احطها بشنط صغيرة...زي حقة سيفورا و وومن سيكرت و ايتام
حذفيسعدك ربي ♥
ردحذفواياكي حبيبتي
حذفربي يسعدك ...سنسونيتا انا احس من اتزوجت وانا محرومة قدام اهل زوجي اني البس واكشخ بسبب الاختلاط 😭 يعني لازم نلبس شرشف الصلاه خخخخخ تخيلي 3 سنوات ومايعرفوا ذوقي بالبس احس نفسي مظلومة وياحسره هيا الخرجة الوحيده طول الشهور ..فقدت قدرتي في التنسيق احس نفسي نسيت كيف البس وانسق
ردحذفاو ممكن نستغنى عن شرشف الصلاة بلبس محتشم. ..هل ينفع تنزلي موضوع عن تنسيقات شيك ومحتشمه للجمعات العائليه ..يمكن تكوني ضد فكرة الإختلاط بس حاتساعدي بنات زي اسفه على الإطاله 🙊
المعذرة حبيبتي دوبي أشوف سؤالك...من ترك شيئا لله عوضه الله خير منه...لا تخلي التقاليد تطغى على الدين...ما عليك من أحد حتى لو عارضوك...كوني انتي بداية التغيير...الحمو الموت...غير انو حرام الا انو كمان يحرمك من ممارسة حياتك الطبيعية.
حذفمشكوره يا عسل😚
ردحذف