قصيرة أو طويلة...كلنا حلوين

صباح الخير...

 

 

دا البوست خاص للبتيت أو القصيرات

 

في البداية...في أشياء مسلّم فيها...خلقة ربنا لازم نرضى فيها...عيشي بسلام مع نفسك ولا تخلي موضوع تافه و سطحي زي الطول أو البشرة أو الوزن ينكد عليك حياتك...كيف ما تكوني انتي حلوة.

 

 حيل الطول و القصر مو غلط لو ما اتبعتيها...يعني ماهي قاعدة تحكم لوكك
لكن هي مجرد رغبة شخصية...اذا كنتي حابة تعطي نفسك شوية انشات زيادة اتبعيها

 

 

ما في مانع...من بعض الحيل اللي تعطيك شوية طول.

 

بالنسبة للشعر...حاولي ترفعيه بوني تيل أو اللي يكون...أهم شي ما يكون يغطي أكتافك...

لما ترفعي شعرك و تبيني أكتافك و رقبتك حتبيني أطول.

 

 

 

 

 

 

لما تلبسي لون واحد...يطلع شكلك أطول...أو تلبسي درجتين من نفس اللون...مثلا  درجتين موف...بشرط انو كل جزء بدرجة...

مثلا الجزء العلوي بلوزا موف فاااتح و الجزء السفلي بنطلون موف غامق

 

 

 

 

التنانير و الفساتين...اللي و انتي واقفة تبان قصتها ع استقامة وحدة...و طرفها من تحت يلامس الأرض و يكون مغطي شوزك

دا الستايل يفرق في الطول بشكل كبير.

 

 

بالنسبة للبلايز و التوبات...طولها ما يكون أطول من نهاية الخصر.

المفروض انو نهاية لبلوزة توقف عند عظمة الحوض أو الخصر

 

 

 

 

دي القصة المستقيمة...أنسب قصة تناسبك...و تكون من تحت تغطي شوزك ...

 

 

 

 

ابتعدي عن السكيني جينز لأنو راح يقصرك أكثر...

 

 

الجينز بنفس القصة الواسعة من تحت و اللي كمان يغطي شوزك راح يعطيك طول.

 

اذا كنتي حابة شي أقصر...لا تفكري بالفساتين و التنانير الميدي أبدا... ولا في البرمودا...

البسي اللي يكون طولها لحد كعب القدم أو الكاحل...و البسي معاه شوز نيود...بدرجة قريبة من لون بشرتك.

 

 

 

النيود شوز اذا كان بلون البشرة...يعطي امتداد للساق و نحس انها أطول...بعكس لو لبستي لون غير مثلا أحمر أو أسود راح يحدد ساقك و كأنو يقولنا هنا نقطة نهاية الساق.

 

 

 

الهاي ويست...أو الخصر العالي...دا صديق القصيرات...لأنو يحسسنا انو الساق طويلة...لأنو يعطينا بداية وهمية للساق و كأنها تبدأ من فووووق.

طبعا أقدم حيلة و معروفة اللي هي المقلم أو المخطط بالطول

 

 

فتحة الرقبة بشكل حرف V...تعطي طول و امتداد للنظر

نفس الشي بالنسبة للسلاسل أو العقود الطويلة...اللي يوصل طولها لفوق الخصر بشويا

اعتمدي الشوزات البسيطة اللي ما يكون فيها تفاصيل تقسم رجلك...زي الأحزمة

 

ونقطة ثانية مهمة اممممم كيف أشرحها ...شايفين الجزء اللي فوق اللي يغطي الأصابع...اسمو فامب...دا الجزء لازم يكون قصير...يعني يادوب يغطي أصابعك...كمان من الأشياء اللي تعطي امتداد للساق و تبينها أطول...

 

ابتعدي عن الشوز اللي يكون فيه دا الجزء مرتفع عن الأصابع...طبعا البنت الطويلة ينطبق عليها العكس.

دي النقطة شرحتها أكثر و بالصور ع الانستغرام...حسابي

sosanita90

 

زي دا الشوز...في حركات كثيرة تغطي الرجل من فوق...دا الشي يعطيك شكل أقصر

 

 

ما راح تعيشي حياتك كلها ع الكعب...اذا حبيتي تلبسي فلات...دا الستايل يناسبك...اللي يكون مدبب من قدام...و لو كان الفامب واطي حيعطيك نتيجة فتاكة لووووول

الأحزمة...ابتعدي عن الأحزمة العريضة ...واذا كنتي مرا تبغي تلبسي حزام...البسي النحيف أو الرفيع مرا و بدون تفاصيل كثيرة.

 

 

طيب فين تلبسيه؟

 

البسيه فوق مستوى الخصر...يعني تقريبا بنص البطن...كأنو هاي ويست أو خصر عالي...

ليه؟

لأنو بدي الحركة نعطي ايحاء انو ترا جزءنا السفلي يبدأ من هنا....كأنو نقطة بداية وهمية نفس الهاي ويست.

اللي اشترت دي البلوزا من زارا ترجعها ههههههههه...لما كنت بزارا شوفت بنات قصيرات و اشتروها...راح تزيدهم قصر

ليه؟...لأنها مجزأة أو مقسمة...و التقسيم يقصر.

 

 

 

أشياء المفروض تبتعدي عنها

 

الاكسسوار بأحجام كبيرة...اذا مرا كنتي حابتها...ممكن تلبسي قطعة وحدة فقط رغم اني أفضل انك تتجنبيها نهائي

الويدج هيلز...أو الشوز اللي كعبو متصل...من أسوأ أشكال الكعب للقصيرة...حتى لو حابة طولك و ماعندك مشكلة تبيني قصيرة...لأنو مرا كبير و ملفت...و راح يضاعف قصرك...

الشوز اللي يتقفل من الساق...أو حتى اللي في ربطات و حركات و أحزمة من فوق ع القدم...دي الأشكال كلها تقصرك لأنها تقسم رجلك

دي النقطة اتكلمت عنها كمان ع الانستغرام...بس ادخلوا هاش تاق
#ترندي_سوسانيتا و حتلاقوا الشرح بالصور

 

 

البلات فورم شوز...أو الشوز اللي من عند الأصابع من تحت مرتفع...كثير أشوف بنات لابسينو...لأنو يطولهم...صح انو يرفعك كثير عن الأرض بس بنفس الوقت يبين قصرك... و ممكن يظلمك و يعطيك شكل أقصر مما انتي عليه في الواقع

حتى البنات اللي يلبسوه يكون منظرهم كأنهم راكبين فوق الشوز مو كأنهم لابسينو

 

 

 

 

 

 

آخر شي الجمبسوت...كثير بنات قصيرات يتخوفوا منو...ليه؟

بالعكس راح يعطيك طووووول...بشرط انو يكون لون واحد و القصة من تحت زي الصورا و تغطي الشوز...نفس ما اتكلمنا عن البنطلون و التنورا

حتى لاحظوا في المحلات لما نشوف الجمبسوت معلق نحسو مرراااا طوييييل...بس لما تلبسيه يطلع مقاسك

 

 

شايفين..أشياء بسيطة ممكن تعمل الفرق

 

الطويلة...ينطبق عليها العكس...في كل النقاط...عشان ما تزيد طولها طول

 

...

 

 

أشوفكم ببوست قريب ان شاء الله